Адалдық пен ашықтық: ШҚОҚО-да сыбайлас жемқорлықтың алдын алу бойынша оқыту өтті

2025 жылдың 5 желтоқсанында «Шығыс Қазақстан облыстық қан орталығы» ШЖҚ КМК комплаенс-офицері Динара Жайсанбаева қызметкерлерге сыбайлас жемқорлықтың алдын алу мәселелері бойынша кезекті тоқсандық оқыту жүргізді.

Оқыту барысында Қазақстан Республикасының сыбайлас жемқорлыққа қарсы заңнамасының негізгі қағидалары жан-жақты қарастырылды, соның ішінде:

* сыбайлас жемқорлық ұғымы және оның негізгі түрлері;

* сыбайлас жемқорлық құқықбұзушылықтарының түрлері;

* медициналық ұйымдардағы негізгі сыбайлас жемқорлық тәуекелдері;

* қызметкерлердің адал мінез-құлық қағидалары;

* мүдделер қақтығысы туралы хабарлау тәртібі;

* сыбайлас жемқорлық фактілері туралы хабарлау арналары;

* сыбайлас жемқорлық құқықбұзушылықтарын жасағаны үшін жауапкершілік.

Сонымен қатар білімді тәжірибеде бекіту мақсатында үш жағдайлық кейс талқыланды. Бұл қызметкерлер арасында адалдық, ашықтық және жауапкершілік мәдениетін қалыптастыруға ықпал етеді.

Егер ШҚОҚО-да лауазымды тұлға немесе қызметкер тарапынан сыбайлас жемқорлық құқықбұзушылығы жайлы қандай да бір ақпарат болса, бұл туралы комплаенс-офицерге және/немесе сыбайлас жемқорлыққа қарсы іс-қимыл жөніндегі уәкілетті органға 1424 Call-орталығына дереу хабарлау қажет.