Адамдарды донорлыққа тартудың пәрменді тәсілі-өскелең ұрпақпен жұмыс жасау

Адамдарды донорлыққа тартудың пәрменді тәсілі-өскелең ұрпақпен жұмыс жасау. Өйткені, балалық шақта үйренген құндылықтар, көзқарастар, мінез-құлық үлгілері көбінесе ересек адамның әрекеттерін анықтайды. Өскелең ұрпақпен осындай кездесулердің бірі 2024 жылғы 07 қарашада «№2 жалпы білім беретін мектеп» КММ – де, 10-11 сынып оқушылары үшін «Мен болашақ донормын!» атты тақырыпта өтті. «Донорлық мектебі» жобасы аясында жоғары сынып оқушыларымен ағартушылық кездесу өтті. Мақсат-мектеп оқушыларына донордың ағзасы үшін қан тапсырудың артықшылығы неде екенін және донорлық қанның науқас пациенттерге не үшін қажет екенін түсіндіру, сондай-ақ донорлық қан қорын неге үнемі толықтырып отыру керектігін және болашақ донор қандай өмір салтын ұстануы керектігін түсіндіру. Балаларға ақпаратты трансфузиолог-дәрігер Кулиманова Сандуғаш және облыстық қан орталығының халықты донорлыққа үгіттеу жөніндегі маман Мустафина Мира егжей-тегжейлі айтып берді. Айта кету керек, әзірге мектеп оқушылары трансфузияға мұқтаж адамдарға тікелей көмектесе алмайды, өйткені олар 18 жаста емес, бірақ олар донорлыққа жеке оң көзқарасты қалыптастыра алады және жақын маңдағы адамдарға қан тапсыру және қиындыққа тап болғандарға көмектесу қаншалықты маңызды екенін айта алады. Кездесу соңында балалар 18 жасқа толғанда міндетті түрде өтеусіз қан доноры болуға дайын екендіктерін білдірді, ал әзірге барлық алынған ақпарат ата-аналары мен туыстарымен беріледі.