Біз өз әріптестерімізді мақтан тұтамыз!

Өскемен қаласының Шығыс Қазақстан облыстық филармониясының концерт залында медицина қызметкерлері күніне арналған ерекше мереке өтті. Мерекелік концерттік бағдарлама жарқын және мазмұнды болды – көрермендер нағыз рахатқа бөленді!

Бұл күні өңір медицинасының үздік өкілдеріне құрмет көрсетілді: еңбек сіңірген наградалар Қазақстан Республикасының Денсаулық сақтау министрлігінен, Шығыс Қазақстан облысының әкімінен және Шығыс Қазақстан облысының Денсаулық сақтау қызметкерлерінің кәсіподақ ұйымдарынан табысталды.

Салтанатты іс-шарада біздің әріптесіміз, Денсаулық сақтау саласында 38 жылдық мінсіз жұмыс өтілі бар тәжірибелі фельдшер Құдайбергенова Фарида Шакеевнаның сіңірген енбегі атап өтілді. Жоғары кәсібилігі мен адалдығы үшін Шығыс Қазақстан облыстық мәслихатының төрағасы Денис Сергеевич Рыпаков оған облыс әкімі Нұрымбет Аманұлы Сақтағановтың грамотасын табыс етті.

Қан орталығының директоры Светлана Александровна Шмурыгина Денсаулық сақтау жүйесін дамытуға, медицина қызметкерлерінің құқықтарын қорғау идеясын ілгерілетуге қосқан елеулі үлесі үшін «AQNIET» бастауыш кәсіподақ ұйымының төрайымы Динара Рашидовна Салимбаева Денсаулық сақтау қызметкерлерінің Қазақстандық салалық кәсіподағының «Кәсіподаққа сіңірген еңбегі үшін» төсбелгісін табыс етті.