Бүгін сағат 15:00-де Шығыс Қазақстан облыстық қан орталығының ұжымы кәсіби борышын атқару барысында қаза тапқан фельдшер Улдана Мырзуанның рухына тағзым етіп, жалпыұлттық бір минут үнсіздікке қосылды.
Бұл үнсіздік – өз өмірін аямай, адам өмірін қорғау жолында қызмет ететін жандарға деген терең құрмет белгісі.
Мемлекет басшысының Жарлығымен қызметтік міндетін үлгілі атқарғаны, батылдығы мен кәсібіне адалдығы үшін Улдана Мырзуанға «Ерлігі үшін» медалі (посмертті) берілді.
Қайтыс болған фельдшердің туған-туыстарына шын жүректен көңіл айтамыз. Оның мейірімі, жігері мен жанқиярлығы біздің жүрегімізде мәңгі сақталады.
