«Бөлмеде бала бар! Терезені жабыңыз!»

ШҚО-да дәрігерлер: «Бөлмеде бала бар! Терезені жабыңыз!» челленджін іске қосты.

Балалардың терезелерден құлауының ең көп тараған себебі-москит торларының кездейсоқ зақымдануы немесе ығысып кетуі. Әдетте, балалар терезенің жанында тұрған әртүрлі жиһаздарды пайдаланып, терезе алдына өздері шығып кетеді. Балаларыңыздың қауіпсіздігіне үнемдемеңіздер! Терезелер баланың терезені өз бетінше ашу мүмкіндігіне кедергі келтіретін құлыптау құрылғыларымен, блокаторлармен жабдықталуы тиіс. Терезе өндірушілер тек пәтерлерде және жеке үйлерде, мектептерде, балабақшаларда және бөбекжайларда қолданылатын қорғаныстың әртүрлі практикалық шешімдерін ұсынады: арнайы фурнитуралық жүйелер, терезелердің бекіткіштері, сондай ақ, кілттенетін тұтқа.

Құрметті ата-аналар! Сіз балаңызға үнемі назар аударып және бақылап отыруыңыз, техникалық сипаттағы алдын-алу шараларымен бірге сіздің балаңыздың өмірін сақтап қалуы мүмкін. Шығыс Қазақстан облыстық қан орталығының қызметкерлері ата-аналардың балаларды қараусыз, әсіресе терезелері ашық бөлмеде қалдырмауға шақырады.