Альфа банк “АҚ Өскемен қ.филиалында донор күні 2022 жылғы 16 наурызда өтті.
Банктің донорлық акцияға қатысуы жақсы корпоративтік дәстүрге айналды. Биыл донор күнін өткізу идеясын банк қызметкерлерінің көпшілігі қолдады.
“Альфа Банк” АҚ филиалының қызметкерлері донорлықты компанияның корпоративтік әлеуметтік жауапкершілік жүйесіндегі маңызды құрамдас бөліктердің бірі деп есептейді.
“Бүгін донацияға барлығы 50 – ден астам қызметкер жазылды, бірақ қандай да бір себептермен 30 адам қан тапсыра алды”, – деп атап өтті донорлық күнді ұйымдастырушы, бөлім басшысы Еркебұлан Букунов.
Нәтижесінде ортақ күш-жігермен литр қан жиналды.
Осы донорлық күнге “Жылу желілері” АҚ қызметкерлері мен қала тұрғындары да белсенді қатысты, олар науқастардың өмірін құтқару мақсатында уақыт тауып, қан тапсырды.
Қан орталығы барлық донорларға үлкен алғыс білдіреді. Азаматтық ұстанымдарыңыз үшін рахмет!
“Альфа Банк” АҚ -ның мейірімді ұжымына ерекше ықылас пен қамқорлықтары үшін ерекше алғыс білдіргіміз келеді.
