«Мен – донормын!» атты ұранмен донорлық акция өтті

2022 жылдың 21 және 22 желтоқсанында «Өскемен медициналық жоғары колледжі» ШЖҚ КМК-да «Мен – донормын!» атты ұранмен донорлық акция өтті.

Болашақ медицина қызметкерлері-студенттер ШҚ ОҚО-да қан компоненттерінің қорын толықтыру мақсатында өздерінде донорлық күндер ұйымдастырды. Донор күнінің бастамашылары «Медицина жастары».

«Біздің ойымызша, өз өмірін медицинамен байланыстыратын кез-келген адам болашақта өзі емдейтін науқастар үшін қан тапсыруы керек және бұл міндет болып саналады. Мұқтаж адамдарға көмектесу-біздің ортақ парызымыз. Әсіресе, бүгінгі таңда бүкіл қоғам коронавирусқа қарсы тұрғанда!»- деп атап өтті «Өскемен медициналық жоғары колледжі» ШЖҚ КМК студенттері.

Акцияның барлық қатысушыларына жан мейірімділігі үшін үлкен алғыс білдіреміз!

Біздің донорларымызға зор денсаулық және отбасыларына амандық тілейміз!