Кейде адамға көмектесу үшін үлкен мүмкіндіктердің қажеті жоқ

Ол үшін ниет пен аз ғана уақыт жеткілікті. Дәл осы туралы ҚАЕУ студенттерімен қан донорлығына арналған кездесу болды.

Шығыс Қазақстан облыстық қан орталығының халықты донорлыққа насихаттау жөніндегі маманы, Өскемен қаласының «Қазақстанның болашағы үшін» жастар қоғамдық бірлестігінің ерікті-үйлестірушісі Мира Мустафина студенттермен донорлық тақырыбында ашық әңгіме өткізді.

Кездесу тек мәселенің медициналық қырымен шектелмеді. Студенттер:

Донор қанының әрдайым жеткілікті қоры болуы не үшін маңызды екенін;

Оның қандай жағдайларда аса қажет болатынын;

Bir адамның қарапайым шешімі науқасқа қаншалықты маңызды қолдау көрсете алатынын білді.

Жастық шақ — әдеттер, құндылықтар мен қоршаған ортаға деген көзқарас қалыптасатын кезең. Ал ерікті түрде көмек көрсету мәдениеті — шын мәнінде маңызы зор құндылықтардың бірі.

Донорлық — дабыралы сөздерсіз-ақ жақсылық жасауға мүмкіндік. Жай ғана келіп, қан тапсырып, сенің көмегіңнің міндетті түрде біреуге қажет болатынын білу.

ҚАЕУ студенттеріне белсенді қатысқандары, қойған сұрақтары және донорлық тақырыбына қызығушылық танытқандары үшін алғысымызды білдіреміз! Осындай кездесулер донорлық туралы ашық айтуға, оның маңызын түсіндіруге және өзгелерге көмектесуді өмірдің табиғи бір бөлігі деп қабылдайтын ұрпақты қалыптастыруға мүмкіндік береді.