ҚАСУ-да Донор күні өтті!
10 желтоқсанда Қазақстан-Америка еркін университетінде (ҚАСУ) Донор күні өтті. Бұл шынымен де маңызды күні ҚАСУ студенттері мен қызметкерлері мейірімділік пен жауапкершілік – жай ғана сөз емес, нақты іс екенін тағы бір мәрте дәлелдеді. Көптеген студенттер қан тапсырып, адам өмірін құтқаруға үлес қосу үшін жиналды.
Донор күні жылы әрі достық атмосферада өтті. Әрбір қатысушы шағын болса да өте маңызды қадам жасады – себебі бір донация бірден бірнеше науқасқа көмектесе алады.
Университет басшылығына, белсенді жастарға және бейжай қалмаған барлық жандарға алғыс білдіреміз. Осындай игі дәстүрлер көмекке мұқтаж жандар үшін бізді ортақ мақсат жолында біріктіре берсін. Әрбір донорға көрсеткен жігері, батылдығы және кең жүрегі үшін алғыс айтамыз.
