ҚР ҰҚК Шекара қызметіндегі Донорлық күн – игі дәстүр жалғасуда 2026 жылғы 28 қаңтарда Қазақстан Республикасы Ұлттық қауіпсіздік комитетінің Шекара қызметінде кезекті Донорлық күн өтті.

Бұл іс-шара қызметкерлерді адам өмірін сақтап қалу жолындағы маңызды әрі игі миссия төңірегіне тағы да біріктірді.
Шекарашылар күн сайын ел қауіпсіздігін күзетсе, бұл күні олар ең қымбат құндылық — адам денсаулығы мен өмірін қорғауға дайын екендерін тағы да дәлелдеді. Донор күні аясында қызметкерлер ерікті түрде қан тапсырып, әрбір тамшы қанның қан құюға мұқтаж науқас үшін шешуші маңызға ие екенін терең түсінді.
Әсіресе, Шекара қызметінде Донор күнінің екінші рет өткізілуі маңызды, бұл игі дәстүрдің қалыптасып келе жатқанын және жеке құрамның жоғары әлеуметтік жауапкершілігін айқын көрсетеді. Мұндай бастамалар донорлық қозғалысты нығайтып қана қоймай, бүкіл қоғам үшін үлгі бола алады.
Акцияға қатысқан барлық азаматтарға көрсеткен жанашырлығы, бейжай қарамағаны және көмек көрсетуге дайын болғаны үшін шынайы алғысымызды білдіреміз. Бұл игі дәстүр алдағы уақытта да жалғасын тауып, донорлық қозғалысқа тағы да көптеген адамдарды тартатынына сенімдіміз.
Донорлық — өмірге қосылған үлес. Мейірімді жүректеріңізге мың алғыс!