Үздіксіз оқыту кәсібиліктің кепілі!

Қызметкерлердің кәсіби дамуы біздің қан орталығы жұмысының негізгі
бағыттарының бірі болып табылады. Ішкі үздіксіз оқыту жүйесі білім мен тәжірибелік
дағдылар деңгейін тұрақты түрде арттыруға мүмкіндік береді, бұл медициналық
қызметтің жоғары сапасы мен қауіпсіздігін қамтамасыз етеді.
Қан орталығында қызметкерлердің құзыреттілігін жетілдіруге және практикалық
дағдыларын пысықтауға бағытталған оқыту іс-шаралары тұрақты түрде өткізіліп тұрады.
2026 жылғы маусым айында келесі оқыту сабақтары өткізілді:
1. Эпидемиолог С.М.Азтаева әртүрлі тазалық кластарындағы бөлмелерде тазалау
жұмыстарын ұйымдастыруды қоса алғанда, санитариялық-эпидемиологиялық
режим мәселелері бойынша, сондай-ақ туляремия, бруцеллез, тырысқақ және оба
сияқты аса қауіпті жұқпалардың профилактикасы мен диагностикасы бойынша
сабақтар циклін өткізді. Бұдан бөлек, карантиндік жұқпа ошақтарын оқшаулау
бойынша оқу-жаттығуларды ұйымдастыру және өткізу жөніндегі іс-қимылдар
пысықталды.
2. Бас медициналық медбике Н.В.Булгакова орта буын медициналық персонал
үшін дезинфекциялық құралдармен жұмыс істеу мәселелері бойынша, сондай-ақ
қан орталығы жағдайында анафилактикалық шок кезінде дәрігерге дейінгі және
шұғыл көмек көрсету бойынша оқыту ұйымдастырды.
Оқытудың практикалық бағытына ерекше назар аударылады – барлық сабақтар
қызметкерлердің білімдері мен дағдыларын міндетті түрде бағалаумен аяқталады, бұл
дайындық деңгейін объективті бағалауға және персонал жұмысының сапасын арттыруға
мүмкіндік береді. Қан орталығындағы үздіксіз оқыту – бұл кәсібилікке, қауіпсіздікке
және донорлар мен пациенттердің сеніміне салынған инвестиция.