2024 жылғы 30 қазанда «Bereke bank» АҚ ШҚО филиалында корпоративтік Донор күні өтті

2024 жылғы 30 қазанда «Bereke bank» АҚ ШҚО филиалында корпоративтік Донор күні өтті. Қан тапсыруға ниет білдірушілер банк қызметкерлері арасында да, қаламыздың тұрғындары арасында да көп болды. Донор күні-әлеуметтік жауапкершілікті көрсетудің, команданы нығайтудың тамаша мүмкіндігі. Донорлар-біз күнделікті көретін қарапайым адамдар, бірақ соған қарамастан олар батыр, өйткені әрбір донор біреудің өмірін сақтайды. Қан-табиғаттың баға жетпес сыйы. Бүгінде адам қанын жасанды қанмен алмастыру мүмкін емес. Көптеген науқастар үшін донорлық қан – аман қалудың және сауығудың таптырмас мүмкіндігі. Қан донорлары –апаттардан зардап шеккен адамдардың, миллиондаған науқастардың, босанған әйелдердің өмірін сақтап қалудың жалғыз көзі. Біздің сүйікті қаламыздың барлық жанашыр тұрғындарына және «Bereke banк» АҚ қызметкерлеріне облысымызда өтеусіз қан донорлығын қолдағаны үшін зор алғысымызды білдіреміз! Сіздерге зор денсаулық және отбасыларыңызға амандық тілейміз!