Донорлық және Ораза

Берекелі Рамазан айында мейірімділік, жанашырлық пен көмек көрсету
ерекше маңызды екенін айқын сезесіз. Осы уақытта әрбір ізгі іс ерекше мәнге
ие болады. Осындай істердің бірі – қан донорлығы – тыныш, бірақ баға жетпес көмек, ол күн сайын науқастардың өмірін сақтап қалуға мүмкіндік
береді.
Көптеген діни сенушілерді мынадай сұрақ толғандырады: ораза ұстап
тұрып қан тапсыруға бола ма? Бұл сұраққа жауап беру үшін ең алдымен өз
денсаулығыңа мұқият және қамқорлықпен қарау қажет.
Медициналық тұрғыдан қарағанда
Қан тапсыру- сау адам үшін қауіпсіз процедура, алайда ол ағзадан сұйықтық
жоғалтумен байланысты. Ораза кезінде ағза ерекше күтімді қажет етеді,
сондықтан дәрігерлер өз жағдайыңызға мұқият мән беріп, күш-қуатыңызды
бағалап, шаршап-талмауға кеңес береді.
Діни тұрғыдан қарағанда
Исламда адамның өмірі мен денсаулығы ең жоғары құндылыққа ие.
Науқастарға көмек көрсету және өмірді құтқару – ең ізгі және қадірлі іс-
әрекеттердің бірі болып саналады. Егер донорлық денсаулыққа зиян келтіруі
мүмкін болса, қан тапсыруды кейінге қалдыру немесе қажет болған жағдайда
оразаны тоқтатып, кейін оны толықтыру дұрыс болады. Алла мейірімді және
әр адамның шын ниетін бағалайды.
Рамазан айында донор қалай әрекет етуі керек
Егер донор болуды ойласаңыз:
Өз ағзаңызға және дәрігерлердің ұсыныстарына мұқият көңіл бөліңіз;
Ораза кезінде ағзаңыздың жартылай сұйықтықтан айырылғанын есте
сақтаңыз;
Мүмкін болса, қан тапсыру уақытын Рамазан аяқталғаннан кейінге
қалдырыңыз;
Шешімді сабырлы, саналы түрде, өз денсаулығыңызға қамқорлықпен
қабылдаңыз.
Донорлық – бұл өмірге мүмкіндік, сауығуға үміт және шынайы
адамгершіліктің көрінісі. Тіпті нағыз ниетпен көмек көрсетуге деген тілек те ізгі және бағалы іс болып саналады.
Рамазан айы жүректерімізді нұрландырып, денсаулық пен бейбітшілік
сыйласын, ал әр күніміз ізгі істер мен мейірімге толсын!