18 маусымда «ОЛИМП» КДЗ ұжымы тағы да маңызды әрі ізгі іске деген адалдығын көрсетті – зертхана қызметкерлері Шығыс Қазақстан облыстық қан орталығына келіп, қан мен оның компоненттерін өтеусіз тапсырып, донор болды

Айта кету керек, «ОЛИМП» КДЗ қызметкерлері өтеусіз донорлықты тек өздерінің донорлыққа қатысуы арқылы ғана емес, сонымен қатар донорлық іс-шараларды өткізуге қолдау көрсетіп, донорларға арналған брендтік сыйлықтар ұсыну арқылы да қолдап келеді. Мұндай қолдау қоғамның назарын қан донорлығы мәселесіне аударуға, ерікті көмек көрсету мәдениетін қалыптастыруға және адамдарды игі істер жасауға ынталандыруға ықпал етеді.

Қан донорлығы – күн сайын қан құюға мұқтаж жандарға деген жауапкершіліктің, мейірімділік пен жанашырлықтың жарқын көрінісі. Әрбір донорлық қан тапсыру көптеген науқастарға үміт сыйлап, сауығып кетуге мүмкіндік береді.

Шығыс Қазақстан облыстық қан орталығы «ОЛИМП» КДЗ директорына ұзақ жылдар бойғы жемісті ынтымақтастығы, белсенді азаматтық ұстанымы, Шығыс Қазақстан облысында өтеусіз қан донорлығын дамытуға қосқан қолдауы және адам өмірін сақтауға бағытталған іс-шараларды ұйымдастыруға қосқан елеулі үлесі үшін шынайы алғысын білдіреді.
«ОЛИМП» КДЗ ұжымына бейжай қарамайтын жүрегі, мейірімділігі және ең қымбат сый – адам өмірін сақтап қалуға мүмкіндік беретін қандарымен бөлісуге дайын болғандары үшін үлкен рақмет!