«Әділет» партиясы өтеусіз қан донорлығын қолдады

29 шілдеде Шығыс Қазақстан облыстық қан орталығына «Әділет» партиясының
Шығыс Қазақстан облыстық филиалының өкілдері, филиал басшысы Жанат
Жумагазиновна Мекеева бастаған топ келді.
Бұл күні партия өкілдері қан қызметінің жұмысымен танысып қана қоймай,
өтеусіз донорлықты дамытуға жеке үлгісімен қолдау көрсетті. Олар қан тапсырып,
өмірлік маңызды көмекке мұқтаж пациенттерге қол ұшын созды.
Бүгінде қан донорлығы – жай ғана медициналық рәсім емес. Бұл – салауатты
өмір салтын ұстанатын адамның саналы таңдауы, жоғары азаматтық
жауапкершілігінің және қоғамның әл-ауқатына деген қамқорлығының көрінісі. Донор
бола алатын адам дені сау болуы тиіс. Сондықтан донорлық қозғалысты дамыту
салауатты өмір салтын насихаттауға және ұлт денсаулығын нығайтуға тікелей ықпал
етеді.
Өтеусіз донорлық адамдарды мамандығына, жасына және көзқарасына
қарамастан, адам өмірін сақтап қалу деген ортақ мақсатқа біріктіреді. Әрбір
донорлық бірнеше пациентке бірден көмек көрсетуге мүмкіндік береді. Демек, бір
ғана игі іс бірнеше отбасы үшін үмітке айналуы мүмкін.
Осындай игі істердің негізінде мықты әрі біртұтас қоғам қалыптасады. Адамдар
марапат үшін емес, өзгелерге көмектесу үшін ерікті түрде қан орталығына келіп, қан
тапсырса, олар мейірімділіктің, өзара көмектің және шынайы отансүйгіштіктің
жарқын үлгісін көрсетеді. Өйткені өз азаматтарының денсаулығына қамқорлық жасау
-бүкіл Қазақстанның болашағына қосылған маңызды үлес.
Шығыс Қазақстан облыстық қан орталығының ұжымы «Әділет» партиясының
өкілдеріне өтеусіз қан донорлығын қолдағаны, белсенді азаматтық ұстанымы және
өзгелерге көрсеткен жеке үлгісі үшін шын жүректен алғыс білдіреді.
Құрметті Шығыс Қазақстан облысының тұрғындары! Сіздерді донорлық
қозғалысқа қосылуға шақырамыз. Егер денсаулық жағдайыңыз мүмкіндік берсе, қан
доноры болыңыз. Сіздің бұл қадамыңыз адам өмірін сақтап қалуға ғана емес, қоғамда
салауатты өмір салты мен қайырымдылық мәдениетін қалыптастыруға да қосылған
маңызды үлес.
Бірге біз денсаулық, өзара көмек және адам өмірі басты құндылық саналатын
қоғамды қалыптастырамыз. Бірге біз әлдеқайда көп игі іс атқара аламыз!