Донорлық саналы таңдаудан басталады!
«№37 көпбейінді орта мектебі» КММ-де жоғары сынып оқушыларына қан және оның компоненттерінің донорлығы тақырыбында ағартушылық дәріс өткізілді. Оқушылар алдында халықты донорлыққа насихаттау жөніндегі маман, Өскемен қаласының «Қазақстанның болашағы үшін» жастар қоғамдық бірлестігінің ерікті-үйлестірушісі Мира Мустафина сөз сөйледі. Кездесу барысында мектеп оқушылары донор қанының медициналық ұйымдарға күн сайын не үшін қажет екенін, қан компоненттері кімдерге қажет болуы мүмкін екенін және әрбір ерікті донордың қаншалықты маңызды рөл атқаратынын білді. Кездесуде донорлықтың тек қан тапсыру ғана емес, сонымен қатар жауапкершіліктің, өзара қолдаудың және қиын жағдайға тап болған адамға көмек көрсетуге дайындықтың көрінісі екеніне ерекше назар аударылды.
Жоғары сынып оқушыларымен осындай кездесулер өткізудің маңызы зор, өйткені дәл осы жастар – қоғамымыздың болашағын қалыптастырады. Бүгіннің өзінде оқушылар донорлық қозғалыс туралы көбірек ақпарат алып, оның маңызын түсіне алады және алдағы уақытта адам өмірін сақтауға үлес қосатын азаматтардың қатарын толықтыра алады.
Донорлық тақырыбына қызығушылық танытып, маңызды ағартушылық кездесу өткізуге мүмкіндік берген «№37 көпбейінді орта мектебі» КММ әкімшілігі мен педагогикалық ұжымына алғысымызды білдіреміз! Басқаларға көмектесу – әлемді жақсартуға үлес қосу!
