ШҚО тұрғындары арасында алаяқтықтың алдын алу мақсатында полиция қызметкерлері ғаламтор-алаяқтықтың алдын алу бойынша іс-шараларды белсенді жүргізуде
Бүгінгі таңда қазіргі заманғы технологияларды пайдалана отырып, алдау және сенімге қиянат жасау жолымен Қазақстан Республикасының азаматтарына қатысты алаяқтық жасалып жатқаны ешкімге құпия емес және Шығыс Қазақстан облысы да қалыс қалған жоқ. ШҚО тұрғындары арасында алаяқтықтың алдын алу мақсатында полиция қызметкерлері ғаламтор-алаяқтықтың алдын алу бойынша іс-шараларды белсенді жүргізуде. Осындай түсіндірме әңгімемен 2024 жылдың 22 – інші тамызында ШҚО қан орталығына Өскемен қаласының Сол жағалау полиция басқармасының @oskemen_police қызметкерлері келді.Әңгіме барысында шот иесінің келісімінсіз шоттан ақшаны есептен шығару, құпиясөз бен ДСН-кодтарды ұрлау, ғаламторда оңай ақша табу және керемет пайыздар бойынша салымдар, онлайн-казино сияқты қаржылық алаяқтықтың барлық түрлеріне тақырыптар қарастырылды. “Ұялы байланыс операторлары” алаяқтықтың кең тараған түрі туралы қысқаша айтып берді, онда белгілі телекоммуникациялық компаниялардың мамандарының басшылығымен алаяқтар адамның “Мемлекеттік қызметтердегі” аккаунтына кіруге тырысады. Ұялы байланыс операторларының CALL-CENTER нөмірлерін тағы да еске салдық, олар арқылы сіз ұялы байланыс алаяқтары сізге қоңырау шалса, ақпаратты нақтылай аласыз Ақпарат үшін! Beeline-CALL-center – “166” ALTEL-CALL-CENTER – “116” Tele2-CALL-CENTER – “611” Activ-CALL-CENTER – “3030” Ksell-CALL-CENTER – “9099” Сондай-ақ, қылмыскерлердің уәдені жаудырып, адамның сеніміне кіріп алыпсатарлық жасайтыны, ақшаны тартып алу үшін банк қызметкерлерінің немесе мемлекеттік ұйымдардың атын жамылатындығы жайлы сөз қозғалды. Құрметті шығыс қазақстандықтар, алаяқтардан сақ болыңыздар! Өздеріңізге және жақындарыңызға қамқорлық жасаңыздар!
