Донорлық- қайырымды дәстүр!

25.09.26ж.Шығыс Қазақстан облыстық қан орталығы ШҚО Қылмыстық-атқару
жүйесі департаментінің қызметкерлерін тағы да қарсы алды. Департамент бастығы
бастаған ұжым қан орталығына ең қарапайым, бірақ аса маңызды іс – қан тапсырып,
қан компоненттерін құюға мұқтаж пациенттерге көмек көрсету үшін келді. ШҚО
ҚАЖ департаменті қызметкерлері үшін донорлықтың бір реттік акция емес екені
ерекше құнды. Олар тұрақты түрде қан тапсырып, пациенттерді қолдап,
медициналық ұйымдарды қажетті қан компоненттерімен қамтамасыз етуге өз
үлестерін қосып келеді. Осындай әрбір келудің артында жай ғана қанның
миллилитрлері тұрған жоқ. Оның артында жауапкершілік, адамгершілік және шын
мәнінде қажет болған сәтте көмекке келуге дайын болу қасиеті тұр. Донорлық
козғалысты тұрақты қолдап, белсенді азаматтық ұстаным танытып, әріптестері мен
жастарға жеке үлгі көрсетіп жүрген Департаменттің әрбір қызметкеріне
алғысымызды білдіреміз. Бізбен қайта бірге болғандарыңыз үшін рақмет! Игі
дәстүрлеріңіз жалғасын тауып, тұрақты донорлар қатары көбейе берсін! Бір рет қан
тапсыру үш адамға дейінгі адамның өмірін сақтап қалуға көмектесуі мүмкін.