Донорлық күн

Мейірімділік-күнделікті өмірде сирек кездесетін сөз, бірақ оның мағынасы бәріне түсінікті. Мейірімділік – адамның бойындағы ең жағымды қасиеттердің бірі. Ондай адам рухани құндылықтарды материалдық құндылықтардан жоғары қояды. Мейірімділік дегеніміз – қиын жағдайға тап болған адамға шын жүректен қолдау көрсетіп, басқа адамның бақыты үшін өз уақытыңды, ақшанды немесе денсаулығыңды құрбан ету. Көптеген адамдар жанашырлық пен көмекке дайын, өйткені бәрі қиыншылыққа тап болған адамдарды құтқару үшін ерікті және өтеусіз түрде қан тапсыру жоғары ізгілікті әрекет екенін жақсы түсінеді.

2021 жылғы 12 қазанда «ШҚ облыстық мамандандырылған медициналық орталығы» ШЖҚ КМК – да (Өскемен қаласының №1 қалалық ауруханасы) донорлық күн өтті. Бұл күні біздің қаламыздың 30 жуык медицина қызметкері мен өзгелердің өміріне немқұрайлы қарамайтын тұрғындар науқастар үшін қан тапсырды.

Донорлық күннің барлық қатысушыларына ерекше алғысымызды білдіреміз! Әрқашан мейірімді және қайрымшыл адам болып қалайық!