Елімізде алғаш рет «Құрметті донор» марапаты тағайындалды
Қазақстанда алғаш рет қан донорларына арналған «Құрметті донор» төсбелгісі енгізілді.
Алғашқы марапат талаптарға толық сәйкес келетін 481 тұрақты донорға табысталады.
Төсбелгі:
• қан және тромбоцит донорлығын кемінде 40 рет;
• қан плазмасын кемінде 70 рет өтеусіз тапсырған азаматтарға, сондай-ақ шетелдіктер мен азаматтығы жоқ адамдарға беріледі.
Денсаулық сақтау министрлігінің мәліметінше, елімізде жыл сайын 180 мыңнан астам адам қан доноры атанады.
Бір адамның донорлығы бірнеше адамның өмірін сақтап қалуы мүмкін.
