ЖАҢА ТАРИХИ КЕЗЕҢ: ДЕНСАУЛЫҚ САҚТАУ САЛАСЫНЫҢ МІНДЕТТЕРІ МЕН ДАМУ ПЕРСПЕКТИВАЛАРЫ

2026 жылғы 28 қазанда Мемлекет басшысы Қасым-Жомарт Тоқаев «Жаңа тарихи кезеңдегі Қазақстанның өзекті міндеттері» атты Қазақстан халқына жыл сайынғы Жолдауын жариялады. Бұл стратегиялық құжат еліміздің барлық саласының дамуына нақты бағдар береді, ал денсаулық сақтау саласы онда ерекше басымдыққа ие.
Қан орталығының басшысы ретінде мен Мемлекет басшысының негізгі ұстанымын — мемлекет назарда әрдайым адам, оның денсаулығы мен әл-ауқаты тұратын әділетті, қуатты және прогрессивті қоғам құру идеясын толық қолдаймын.
Отандық қан қызметі үшін Жолдауда айтылған негізгі бағыттар үш басым бағыт бойынша жаңа міндеттер мен мүмкіндіктерге жол ашады.
Инфрақұрылымды жаңғырту және жоғары стандарттар. Президент медициналық нысандарды қоса алғанда, инфрақұрылымды ауқымды жаңарту қажеттігін атап өтті. Заманауи қан орталығы — күрделі жоғары технологиялық жүйе. Біздің мақсатымыз — қауіпсіздіктің озық стандарттарын енгізу, технологиялық базаны дамыту және медициналық ұйымдарды жоғары сапалы қан компоненттерімен үздіксіз қамтамасыз ету.
Цифрлық трансформация. Цифрлық экономиканы дамыту, жасанды интеллект технологияларын енгізу және цифрлық платформаларды жетілдіру бағыты медициналық үдерістерді автоматтандырумен тікелей байланысты. Біз донорларға арналған цифрлық сервистерді дамытуды жалғастырып, қан тапсыру үдерісін барынша ыңғайлы, ашық әрі жылдам етуді мақсат етеміз.
«Адал азамат» қағидаты және донорлық. Мемлекет басшысы өз еңбегі мен іс-әрекеті арқылы қоғамның дамуына үлес қосатын жауапты әрі отаншыл азаматтарды қалыптастыруға ерекше назар аударды. Ерікті әрі өтеусіз донорлық — азаматтық жауапкершіліктің, жанашырлықтың және шынайы патриотизмнің айқын көрінісі. Әрбір донор — күн сайын біреудің өмірін сақтап қалуға үлес қосатын, «Адал азамат» қағидатын іс жүзінде көрсететін үлгі.
Сапалы денсаулық сақтау, азаматтардың қауіпсіздігі және қоғамдық ынтымақтастық — қуатты мемлекеттің негізі. Шығыс Қазақстан облыстық қан орталығының ұжымы реформалар бағытын толық қолдайды және алға қойылған барлық міндеттерді жүзеге асыруға дайын. Біз ауруханаларды сапалы қан компоненттерімен қамтамасыз ету және адам өмірін сақтап қалуға көмектесу үшін бар күш-жігерімізді жұмсап, жұмысымызды жалғастырамыз.
Бүгін адам денсаулығын сақтай отырып, еліміздің ертеңгі жарқын болашағының негізін қалаймыз!
#ПрезидентЖолдауы2026 #ҰлтДенсаулығы #ҚанДонорлығы #ШҚОҚанОрталығы