Қан мен оның компоненттерін зарарсыздыққа зерттеу
Қан орталығы – бұл күрделі ұйымдастырылған кәсіпорын, көптеген бөлімшелерден тұрады, олардың әрқайсысының өз қызметі бар. Қан орталығының құрамында сапаны бақылау бөлімі бар, оның бір бөлігі «бактериологиялық бақылау тобы» болып табылады.
Бактериологиялық бақылау тобында көптеген түрлі зерттеулер жүргізіледі, олардың бірі донорлардан дайындалатын қанның және одан өндірілген қан компоненттерінің стерильділігіне зерттеу болып табылады.
Қан компоненттерінің стерильділігі – бұл микроорганизмдердің барлық түрлерінің болмауы. Қан мен оның компоненттерін дайындау, өңдеу және сақтау, сондай-ақ оларды құю кезінде асептика ережелері сақталмаған кезде науқас бактериялық шок алуы мүмкін. Бактериялық шок – бұл микроорганизмдер мен олардың токсиндерінің әсерінен пайда болатын соққының салыстырмалы түрде кең таралған түрі. Бактериялық контаминация (жұқтыру) қаупі қан компоненттерін сақтау мерзімі ұлғайған сайын артады.
Қан компоненттерінің стерильділігіне зерттеулер заманауи жабдық – ламинарлық боксты пайдалана отырып жүзеге асырылады. Ламинарлық бокста қос қорғаныс қарастырылған: жабық ауа айналымы жүйесі және шыны. Зертханада биоматериалмен жұмыс істеу кезінде және одан кейін санитариялық-эпидемиологиялық режимнің барлық қағидалары сақталады: беттерді, бокстарды өңдеу, кварцтау. Дайындалған қанның әрбір жүзінші үлгісі стерильділікке зерттеледі, ал тромбоциттер, криопреципитат, жуылған эритроциттер сияқты компоненттер оларды дайындаудың әрбір күнінен бір үлгі бойынша зерттеледі.
Ламинарлық бокстағы зертханашылар қан үлгілері мен қан компоненттерін қоректік ортасы бар пробиркаларға себеді. Әрі қарай пробиркалар термостаттарға +220С және +370С шамасында үш тәулікке орналастырылады. Мұндай жағдайларда, егер қан мен оның компоненттері стерильді болмаса, микроорганизмдердің өсуі байқалады. Көптеген жылдар бойы Шығыс Қазақстан облыстық қан орталығында шығарылатын қан компоненттері зарарсыздандырылған.
Өнімді жүйелі бақылау қан қауіпсіздігінің маңызды көрсеткіштерінің бірі болып табылатын қан компоненттерінің зарарсыздығын қамтамасыз етеді.
