Науқастардың өмірін сақтап қалу үшін арнайы жедел әрекет ету жасағының жылдам реакциясы!

Бүгін, 2024 жылдың 12 – інші желтоқсанында «ШҚО полиция департаментінің жедел әрекет ету жасағы» ММ аумағында полиция қызметкерлері арасында донорлық күн өтті. Ұжымның донорлық қозғалысқа қатысуы – бұл ШҚО қан орталығының гемоөнім банкінің баға жетпес қорларын толықтыру мүмкіндігі. Бір-екі сағаттық жұмыс барысында шамамен 16 литр донорлық қан дайындалды, ол мұқият медициналық тексеруден кейін ауыр хирургиялық оталардан, жарақаттардан, онкогематологиялық аурулмен ауыратын науқастарға, босанған әйелдерге көмек көрсету үшін ауруханаларға жіберіледі. Ұйым аумағындағы көшпелі донорлық акциялар қызметкерлерге жұмыстан қол үзбей, донорлық қозғалысқа қосылуға мүмкіндік береді. Шын жүректен, біз акцияның барлық қатысушылары мен ұйымдастырушыларына, қан тапсыратын барлық ерікті және өтеусіз донорларға «Рахмет!» айтамыз. Мейірімділік пен адалдықтарыңызға, жылы жүздесу мен баға жетпес көмектеріңізге мың алғыс.