Семей бөліміндегі ГП-да қан донорлығы туралы дәріс өтті
Алғаш рет «ҚТЖ – Жүк тасымалы» ЖШС филиалы – «Семей бөліміндегі ГП»-да қан мен оның компоненттерін өтеусіз донорлыққа арналған кездесу өтті.
Ұжымға ақпараттық-ағартушылық дәрісті «Шығыс Қазақстан облыстық қан орталығы» КМК ШЖҚ халықты донорлыққа тарту жөніндегі маманы, Өскемен қаласының «Қазақстанның болашағы үшін» жастар қоғамдық бірлестігінің үйлестірушісі Мира Мұстафина өткізді.
Кездесу барысында қызметкерлер донор қанының медициналық ұйымдар үшін неліктен өмірлік маңызды ресурс болып қала беретінін, қан компоненттері кімдерге қажет екенін және әр адамның басқа адамның өмірін сақтап қалуға қандай үлес қоса алатынын білді.
Донорларға қойылатын талаптарға, қан тапсыруға дайындыққа, донация үдерісіне, сондай-ақ алғаш рет донор болуды жоспарлап жүрген адамдарда жиі туындайтын сұрақтар мен кең таралған мифтерге ерекше назар аударылды.
Мұндай кездесулер тек дұрыс әрі сенімді ақпарат алуға ғана емес, сонымен қатар донорлыққа жауапкершілікпен қарауды қалыптастыруға мүмкіндік береді. Өйткені басқа адамға көмек көрсету донор болу туралы қарапайым шешімнен басталады.
«Семей бөліміндегі ГП» ұжымына донорлық тақырыбына қызығушылық танытқаны, ашық пікір алмасуға дайын болғаны және маңызды әлеуметтік қозғалысты қолдағаны үшін алғыс білдіреміз.
Донорлық ұжымдарыңыздың игі дәстүріне айналсын!
