Сенбілік – бұл игі дәстүр!
Сәуір – тазалық пен тәртіпті орнатудың дәстүрлі уақыты, ал сенбілік – ұрпақтарды біріктіретін игі дәстүр. Осындай шаралардың бірі көктемгі тазалық жұмыстары болып табылады: біз тұратын үйдің аулалары және біз жұмыс істейтін іргелес аумақтарды тазарту. Көктемде қала таза және жайлы болуы керек. Өз қаламыздың таза да әдемі болуы өз қолымызда.
Қажетті құрал-жабдықтармен жабдықталып, бүгін облыстық қан орталығының ұжымы бірлесіп сенбілікке шықты: «Өскемен» аллеясын тазарту бойынша жалпықалалық сенбілік және қан орталығының аумағында аймақтарды абаттандыру бойынша сенбілік өтті. Қызметкерлер аумақты ретке келтіруге ерекше құлшыныспен белсене кірісті: олар маңайды қоқыстан тазартып, шөп жинап,гүлзарларды ретке келтіріп, сыпырды. Ортақ күш-жігердің арқасында бірнеше сағат ішінде аумақ өзгеріп, барлық жерде тазалық орнады.
Сенбілік – бұл ұжымдық рухты, бірегейлікті, ауызбіршілікті көрсететін керемет шара. Өзі тұратын жерге жаны ашып, оның тазалығына көңіл бөлу – азаматтық парыз. Әр адам сенбілікке кішкене де болса атсалысып, үлесін қосса тазалыққа деген жауапкершілігі де арта түседі. Сенбілікке шығу арқылы тазалыққа деген жауапкершілікті нығайтады.
