Сүйек кемігінің доноры болу қауіпсіз!
«100 қадам» жобасы – гемопоэтикалық сүйек кемігінің дің жасушаларының донорлығына қоғамның назарын аударуға бағытталған Қазақстанда сүйек кемігі донорлығын танымал етуді дамыту тұжырымдамасы.
«100 қадам» жобасының атауы «қайырымдылыққа 100 қадам» дегенді білдіреді.2024 жылдың 14 маусымында Дүниежүзілік қан доноры күніне орай жобаның басталуы салтанатты шарада жарияланды. Жобаның ұзақтығы 100 күнді құрайды, оның барысында сүйек кемігінің әлеуетті донорларын ақпараттандыру және тарту бойынша іс-шаралар жүргізіледі. Осындай шаралардың бірі 3 тамыз күні Шығыс Қазақстан облысындағы «Халифа Алтай» мешітінде өтті. Бұл күні қан орталығының қызметкерлері бір тамшы қанмен бірге қала тұрғындарымен кездесіп, қан донорлығы мен сүйек кемігінің маңыздылығы туралы әңгімеледі.
100-ден астам азамат трансфузиолог Сандугаш Қулимановадан кеңес алып, ГТЖ донорлығы мен қан тапсыру туралы ақпараттық брошюралар алды. Кездесу соңында мамандар қала тұрғындарының сұрақтарына жауап беріп, донор болудың абыройлы әрі қауіпсіз екенін еске салды.
