Трансфузиялық көмектің жыл сайынғы мониторингі

Шығыс Қазақстан облыстық қан орталығының (ШҚ ОҚО) мамандары 2025 жылғы мамырдан қазанға дейін облыстық денсаулық сақтау басқармасының басшысы бекіткен
кесте бойынша жүргізілген Өскемен қаласы мен Шығыс Қазақстан облысының
стационарлық көмек көрсететін 20 медициналық ұйымында (бұдан әрі-МҰ) жыл
сайынғы трансфузиялық көмек мониторингін аяқтады.
Өткен жылдағыдай, оны ШҚО денсаулық сақтау басқармасының бас штаттан тыс
трансфузиологы-ШҚ ОҚО директорының басшылығымен: дәрігер – трансфузиолог,
зертханалық диагностика жөніндегі маман құрамындағы мониторингтік топ жүзеге асырды. Мұндай мониторингтердің негізгі мақсаты пациенттерге трансфузиологиялық
көмек көрсетудің барлық кезеңдерінде Денсаулық сақтау ұйымдарына олардың
қызметінде консультациялық- әдістемелік көмек көрсету болып табылады.
ШҚ ОҚО мамандары медициналық ұйымдар қызметінің мынадай аспектілерін
зерделеп талдады:
пациенттерге қан өнімдерін құюға байланысты процестер мен процедураларды
стандарттау және оларды нақты әрекеттерге бейімдеу;
трансфузияларды зертханалық сүйемелдеуді ұйымдастыру;
колонналық агглютинация технологияларын және гемотрансфузияға мұқтаж
пациенттердің иммуногематологиялық мәртебесін анықтаудың басқа әдістерін тиімді
қолдану;
трансфузиялық көмек көрсету кезіндегі құжаттау тәртібі, оны автоматтандыру
және МАЖ-да медициналық есепке алу нысандарын цифрландыру дәрежесі;
мамандандырылған медициналық жабдықпен қамтамасыз етілуі және оның
жарақтандыру стандарттарының талаптарына сәйкестігі;
медициналық ұйымдардың штаттарын трансфузиолог-дәрігерлермен жасақтау.
Иммуногематологиялық зерттеулердің сапасы, кіріс және күнделікті зертханаішілік
бақылау мәселелеріне ерекше назар аударылды.
Жүргізілген мониторинг қорытындысы бойынша әрбір МҰ үшін трансфузиялық
терапияны ұйымдастырудағы жағдайды жақсарту және оңтайландыру үшін басым
бағыттар айқындалды. Нәтижелер трансфузиялық терапия көрсетуге қатысатын
басшылықпен және медициналық қызметкерлермен талқыланды. Жұмыс соңында
мониторингтік топ жекелеген мәселелер бойынша оқыту жүргізді, қатысушылар қойған
барлық сұрақтарға түсініктемелер мен жауаптар берілді.
Мониторинг қорытындысы 28.11.2025 жылы ШҚ ОҚО-да өткен клиникалық
трансфузиологияның өзекті мәселелері жөніндегі облыстық ғылыми-практикалық
конференцияда талқыланды.
Жүргізілген мониторинг трансфузиялық көмекті ұйымдастыруға жүйелі
көзқарастың маңыздылығын растады және оны одан әрі жетілдірудің негізгі бағыттарын
анықтауға мүмкіндік берді. Әзірленген ұсынымдарды іске асыру ШҚО пациенттеріне
трансфузиялық көмектің сапасы мен қауіпсіздігін арттыруға ықпал ететін болады.