Қазақстанда еріктілік тек студенттер мен жастар арасында ғана емес, сонымен қатар бизнес өкілдерінің қатысуымен де белсенді дамып келеді.

Көптеген кәсіпкерлер мен компаниялар қайырымдылық көмек көрсетіп,
маңызды қоғамдық жобаларды қолдау арқылы әлеуметтік бастамаларға
қосылуда.
Мұндай қолдаудың маңызды бағыттарының бірі – қан донорлығы
саласы. Бизнес-қоғамдастық қайырымдылық акцияларын ұйымдастыру,
донорларға сыйлықтар мен ынталандырулар беру және жаңа мүшелерді
тартуға бағытталған ақпараттық науқандарды қолдау арқылы донорлық
қозғалыстың дамуына үлес қосады. Қатысудың бұл түрі донорлардың
уәждемесін арттыруға көмектеседі және өмірді құтқару үшін өз еркімен
қан тапсыратын адамдарға алғыс айту мәдениетін қалыптастырады.
Бизнестің қолдауы медициналық ұйымдар мен қоғам арасындағы
серіктестіктің дамуына ықпал етеді.
Әлеуметтік жауапкершілік аясында компаниялар мен кәсіпкерлер:
1. қайырымдылық акциялар мен донорлық күндерін ұйымдастырады,
2. донорларға сыйлықтар мен символикалық көтермелеулер ұсынады,
3. еріктілік бастамаларды қолдайды,
4. ақпараттық- ағартушылық жобаларға қатысады,
5. қан орталықтарындағы іс-шараларды ұйымдастыруға көмектеседі.
Мемлекет, бизнес және еріктілердің ынтымақтастығы донорлық пен
жалпы денсаулық сақтау жүйесіне тұрақты қолдау жүйесін қалыптастырады.
Мұндай тәсіл әлеуметтік жауапкершіліктің дамуына және қоғамдағы сенімнің
нығаюына ықпал етеді.
Айта кету маңызды, қан донорлығы – ерікті және өтеусіз әрекет, ал бизнес
тарапынан көрсетілетін қолдау ынталандырушы және әлеуметтік бағыттағы
сипатқа ие болып, донорлық мәдениетті дамытуға бағытталған. Күш-жігерді
біріктіре отырып, еріктілер, бизнес және медициналық ұйымдар адам өмірін
сақтап қалуға және қоғамды дамытуға нақты үлес қосады.
Қан донорлығы саласындағы әлеуметтік және қайырымдылық жобаларды
жүзеге асыру бойынша бизнес-серіктестерді ынтымақтастыққа шақырамыз.