Корпоративтік донорлықты дамыту аясында 30 маусымда ForteBank қызметкерлері Шығыс Қазақстан облыстық қан орталығына келіп, қан құюға мұқтаж науқастар үшін ерікті түрде қан тапсыру түріндегі игі миссияға қатысты. Әрбір донорлық – біреудің өмірін құтқаруға нақты мүмкіндік

ForteBank
қызметкерлерінің жанашырлығы мен әлеуметтік жауапкершілігінің арқасында
уақтылы медициналық көмек көрсету үшін қажетті қан қоры толықтырылуда.
Корпоративтік донорлық – ортақ мақсатпен біріктірілген ұжымның
адамдардың денсаулығы мен өмірін сақтауға елеулі үлес қоса алатынының жарқын
үлгісі болып табылады. Біз ForteBank қызметкерлеріне белсенді азаматтық
ұстанымы, жанашырлығы және өтеусіз қан донорлығын қолдағаны үшін шынайы
алғыс білдіреміз.
Сіздің игі ісіңіз – бүгін ерекше көмекке мұқтаж жандар үшін баға жетпес сый.
Үміт сыйлап, өмірді құтқарғандарыңыз үшін рақмет!