Медициналық тіркеуші жұмысының ерекшеліктері
Тіркеу бөлімі – бұл басты бөлім. Театр киімілгіштен басталса, медициналық мекеме тіркеу бөлімінен басталады. Облыстық қан орталығының табалдырығын аттаған донорды/пациентті қарсы алатын бірінші адам-ол медициналық тіркеуші. Ол туралы және оның кәсібилік деңгейі туралы әсер донорда/пациентте қан орталығының жұмысы туралы жалпы әсер қалыптастыра алады. Медициналық тіркеушімен қарым-қатынастан донордың/пациенттің одан әрі көзқарасы қалыптасатыны жасырын емес.
Қарым – қатынас-бұл донор/пациент пен медициналық тіркеуші арасындағы қажетті психологиялық байланысты құру, дамыту және қолдаудың күрделі көп қырлы үдерісі, ол ақпарат алмасу, өзара түсіністік түрінде көрінеді.
Медициналық тіркеушінің қандай қасиеттері болуы керек?
Ең алдымен, медициналық тіркеуші сыпайы, мейірімді болуы керек, донормен/пациентпен сауатты сөйлесе және түсіне білуі керек, оларға жайлы, мұқият болуды және жылы қарым-қатынасты қамтамасыз етуі керек.
Сондай-ақ, медициналық тіркеушінің функцияларына мыналар кіреді:
жеке басын куәландыратын құжат бойынша донордың жеке басын сәйкестендіруді жүргізу (төлқұжат, жеке куәлік, әскери қызметшілер үшін-әскери билет);
толтыру үшін донорға (сауалнама, ақпараттық парақ, міндетті ақпараты бар бланк) беру және барлық қажетті толтырылған құжаттардың бар-жоғын тексеру;
өтініш берушіні қолда бар дерекқорлармен, тіркеу картотекаларымен салыстырып тексеруді жүргізу;
есепке алу-есеп беру құжаттамасының барлық қажетті электрондық нысандарын толтыру;
“Инфодонор” автоматтандырылған ақпараттық жүйесінде жұмыс істеу дағдыларын жетілдіру және тағы басқалары.
Жоғарыда айтылғандардан басқа, қан орталығының медициналық тіркеушілері негізгі жүрек-өкпе реанимациясын (BLS) жүргізу дағдыларына ие, бұл донорларға/пациенттерге шұғыл көмек көрсету қажет болған жағдайда керек.
Тіркеу бөлімінің жұмысы-бұл біздің мамандар сәтті игеруге тырысатын тұтас ғылым. Кемелдікке шек жоқ және әр уақытта қан орталығында ұйымның қызметіне халықтың қанағаттануын арттыруға бағытталған жаңа мақсаттар мен жаңа міндеттер пайда болады.
Қан орталығының қызметкерлерінің жалпы көзқарасы -донорға/пациентке кез келген жағдайда көмек көрсету болып табылады.
