70 жыл өмірді сақтау!
Жыл сайын облыста 3000-нан астам пациентке донорлық қан құю қажет. Сондықтан трансфузиялық көмекті уақтылы және сапалы көрсету үшін қан компоненттерінің: плазманың, эритроциттік жүзіндінің және тромбоциттердің үнемі азаймайтын қоры болуы қажет. Шығыс Қазақстан облыстық қан орталығы бұл тапсырманы 70 жылдан бері сәтті орындап келеді.
Қан орталығының тарихы 1953 жылы 1 сәуірде ҚазКСР Денсаулық сақтау министрлігі Өскемен қаласында Облыстық қан құю станциясын ашу туралы №284-а бұйрық шығарған кезде басталды.
Бүгінгі күні Қан орталығы Қазақстан Республикасының Денсаулық сақтау саласындағы ұлттық стандарттарға толық сәйкес келеді, 2017 және 2021 жылдары 1-санат беріле отырып аккредиттелген, жаңа жоғары технологиялық жабдықтың иегері болып табылады, Шығыс Қазақстан облысының 19 медициналық ұйымының пациенттерін қауіпсіз және сапалы қан компоненттерімен қамтамасыз етеді. Атаулы күнге, 70 жасқа, біз директор Светлана Александровна Шмурыгинаның басшылығымен жеттік.
12 сәуірде «Шығыс Қазақстан облыстық қан орталығы» ШЖҚ КМК қабырғасында мерейтойлық салтанатты іс-шара өтті. Салтанатты іс-шараға ШҚО денсаулық сақтау басқармасының, әлеуметтік медициналық сақтандыру қорының, медициналық және фармацевтикалық қызметті бақылау комитетінің басшылары мен мамандары, «Қазақстан Республикасы Денсаулық сақтау министрлігінің санитариялық-эпидемиологиялық комитетінің Шығыс Қазақстан облысының санитариялық-эпидемиологиялық бақылау департаменті» РММ, облыстың медициналық ұйымдарының бірінші басшылары, кәсіпорын серіктестері, орталықтың ардагерлері мен қызметкерлері қатысты. Бұл күні ШҚО мәдениет басқармасының «Ертіс концерт» әртістері концерттік бағдарлама дайындады.
Бүгінде Шығыс Қазақстан облыстық қан орталығы еліміздің жетекші қан орталықтарының бірі болып табылады және облыстың денсаулық сақтау ұйымдарын қауіпсіз компоненттермен және қан препараттарымен қамтамасыз ету үшін барлық мүмкіндіктерге ие. Қазақстан Республикасының зор әлеуетке ие болуының арқасында Шығыс Қазақстан облысының қан қызметін дамыту үшін халықаралық стандарттар деңгейінде жаңа технологияларды енгізу үшін жаңа мүмкіндіктер ашылуда.
Біздің сүйікті қан орталығымызды 70 жылдық мерейтойымен құттықтаймыз! Қазіргі кездегі көптеген нәрсеге қол жеткізу үшін қызметкерлердің барлық буыны айтарлықтай жұмыс атқарды. Қан орталығына ары қарай даму, тұрақтылық, алға қойылған мақсаттар мен міндеттерге қол жеткізуді шын жүректен тілегіміз келеді. Әріптестер мейрамдарыңызбен!
